gemeinsame Weihnachtsfeier 2015

am Freidog war ja unsere gemeinsame Weihnachtsfeier mit de Alt-Reichenhaller Trachtler. Bereits ab hoibe sieme hods am Florianiplatz zur Einstimmung Glühwein, Kinderpunsch und seim gmachte Platzerl geben. Um sieme habm dann unsere Hirten numoi as Reichenhaller Hirtenspui aufgführt. Unterstützt hans vom Reichenhaller Trachtenkinderchor worn, de a boar boarische Weihnachtsliadl gsung habm.
Vor der wunderscheenan Kulisse vom Florianiplatz in da Altstadt vo Reichenhall hod des Hirtnspui ganz bsunders gwirkt. De vuin Zuschauer warn mucksmäuserl stad und so habm a de hinteren Reihen jeds Wort verstanden.
Nach dem besinnlichen Teil is dann mit Fackeln und Laternen zur Alten Saline marschiert worn, wo vom 1. Jugendleiter Andreas Kujath numoi Gschichten vorglesn worn san. Da Ausklang der Weihnachtsfeier war anaschließend im Bürgerbräu in Reichahoi. Do hods dann für olle Trachtenkinder nu a kloans Gschenkerl geben.< Mir glabm, dass für olle anwesenden a scheene Veranstaltung war.